18.07.2014

Trajnimi Menaxhimi i Burimeve Njerëzore

Nga data 30 Qershor deri ne 4 Korrik ne STIKK u mbajt trajnimi i Menaxhimit te Burimeve Njerezore, trajnim ky i dedikuar për te gjithë studentet dhe kompanitë anëtare te STIKK.

Në këtë trajnim pjesëmarrësit kanë pasur rastin të mësojnë:

– Rolin operativ dhe strategjik te burimeve njerëzore,
– Procesin e planifikimit te fuqisë punëtore,
– Rekrutimin dhe përzgjedhjen e stafit,
– Nevojën e Analizës për Trajnim dhe
– Fazat dhe procedurat për masat disiplinore.

Gjate trajnimit pjesëmarrësit dhanë shembuj të mësuar nga jeta e tyre e përditshme në mënyrë që të kuptojnë realisht se si funksionojnë të gjitha konceptet e shpjeguara. Në fund të trajnimit, pjesëmarrësit i janë nënshtruar një testi provues dhe pranuan një certifikatë të pjesëmarrjes. Trajnimi u vijua nga 6 pjesëmarrës ndërsa ligjërues ishte z. Nazmi Zeqiri.

Të ngjashme

17.07.2014

Trajnimi Marketing & Promotion ofroi shembuj praktik për zbatim te njohurive te mësuara

STIKK Training Academy duke filluar prej datës 9 deri 13 Qershor, 2014 organizoi trajnimin 5 ditor në Marketing and Promotion ligjëruar nga z.Valon Canhasi. Ky trajnim i është dedikuar të gjithë studentëve të TIK dhe anëtarëve të STIKK-ut.

Në këtë trajnim pjesëmarrësit kanë pasur rastin të mësojnë:

– Kuptimin e procesit te Marketingut,
– Analizën e situatës se Marketingut,
– Metodat e marrjes se informacionit,
– Analizën e tregut dhe segmentimin e produkteve,
– Strategjinë e Marketingut dhe
– Planifikimin e çmimeve dhe planin e shpërndarjes.

Për këtë trajnim, të gjithë pjesëmarrësit ditën e fundit pas testit provues pranuan një certifikatë të pjesëmarrjes.

Të ngjashme

17.07.2014

Trajnimi “Business Game” ne kuadër te Projektit MFS II

Nga data 23 – 26 Qershor, 2014 u mbajt trajnimi “Business Game” ne Mitrovice me te gjithë partneret e projektit MFS II ne Kosove. Gjate këtyre 4 ditëve ligjëruesi i trajnimit z. Dieter Kohn shpjegoi dhe e udhëhoqi modulin 1 , 2 dhe 3 te Lojës se Biznesit ku me pas te gjithë pjesëmarrësit e trajnimit ishin te obliguar te udhëhiqnin secilin modul ne mënyrë qe te përgatiteshin për te mbajtur trajnime te tilla tek studentet/ star-up-at qe dëshirojnë te kenë biznesin e tyre. Pasi qe te gjithë pjesëmarrësit prezantuan modulet e Lojës se Biznesit dhe pranuan sugjerimet dhe kritikat ne mënyrë qe te përmirësonin nivelin e tyre te prezantimit z. Kohn i shpjegoi disa metoda interaktive te trajnimit qe jane te domosdoshme per pjesëmarrësit dhe trajnerin.

Të ngjashme

14.07.2014

STIKK mundëson diskutimin rreth shkathtësive në tregun e TIK në tryezën e rrumbullakët mes bizneseve dhe universiteteve

Në kuadër të Panairit të Punës, më 28 Maj 2014, STIKK organizoi tryezë të rrumbullakët në të cilën përfaqësuesit e sektorit privat dhe universiteteve patën mundësinë të diskutojnë rreth mangësisë së shkathtësive dhe mënyrave të tejkalimit të këtij problemi.

Takimi i cili u mbajt në zyret e Innovation Centre Kosovo (ICK), u hap nga znj. Vjollca Cavolli e cila falënderoi të pranishmit për kontributin e dhënë rreth organizimit të Panairit 2014. Si pjesë hyrëse për diskutim pjesëmarrësit patën mundësinë të dëgjojnë prezantimin e znj. Lorika Tahiri lidhur me statistikat nga Panairi i Punës, si dhe prezantimin e raportit “Analiza e mangësisë se shkathtësive në TIK” nga z. Valon Canhasi.

Në këtë tryezë sektori privat pati mundësinë të shfaqin shqetësimet e tyre lidhur me mungesën e shkathtësive të caktuara të cilat janë duke i hasur tek studentët gjë që vështirëson procesin e punësimit. Të dy palët: bizneset dhe përfaqësuesit e universiteteve u pajtuan që nevojitet një bashkëpunim me intensiv mes tyre në mënyrë që të zhvillohen shkathtësitë e caktuara për tejkalimin e këtyre pengesave.

Më këtë rast STIKK premtoi se do të vazhdojë me organizimin e takimeve të ngjashme me qëllim të krijimit të një platforme lehtësuese për komunitetin e biznesit dhe akademisë.

Të ngjashme

11.07.2014

Dita Mbarëkombëtare e Teknologjisë së Informacionit dhe Komunikimit

Me datën 10/07/2014 në Prevallë, është mbajtur takimi tradicional i komunitetit të TIK të trojeve shqiptare: “Dita Mbarëkombëtare e Teknologjisë së Informacionit dhe Komunikimit”. Kjo ngjarje e 6-shta me radhë e organizuar në këto troje solli bashkë kompanitë e TIK nga Kosova dhe Shqipëria.

Mbi 40 përfaqësues të sektorit të TIK u mblodhën në këtë takim me qëllim të identifikimit të modaliteteve të bashkëpunimit, njohjen, forcimin dhe krijimin e një rrjeti profesional mbarëkombëtar në fushën e TIK.

Takimi u hap nga Kryetari i Bordit te STIKK z. Shkumbin Brestovci, si nikoqir të ngjarjes, i cili u dëshiroi mirëseardhje të pranishmëve. Më pas pjesëmarrësit patën mundësi të dëgjojnë prezantimin e z. Bardh Kadiu, Koordinator i Programeve në STIKK lidhur me IT Barometrin për Kosovë, dhe z. Romeo Sharko, Anëtari i Bordit të AITA lidhur me IT Barometrin e Shqipërisë.

Pas prezantimeve pjesëmarrësit patën mundësinë të kontribuojnë ne diskutim te hapur lidhur me vështirësitë të cilat hasen në aspektin e bashkëpunimit ne mes të dy vendeve. Kompanitë vazhduan të shkëmbenin përvojat dhe njohuritë e tyre edhe gjatë koktejit të paraparë për rrjetëzim.

Kompanitë prezent në këtë takim vlerësuan lartë nevojën për vazhdimin e bashkëpunimit për tejkalimin e barrierave të identifikuara dhe krijimin e një ambient më të favorshëm për bërjen e biznesit.

Kjo ditë u përmbyll me vizitën e realizuar në Lidhjen e Prizrenit.

Të ngjashme

03.07.2014

STIKK mori pjesë në Triple Helix Workshops (Hulumtuesit, Donatorët & Komuniteti i biznesit)

Me datën 26 dhe 27 Qërshor, STIKK mori pjesë në punëtoritë e rradhës të organizuara nga OECD/EC për implementimin e projektit të Triple Helix që ka për qëllim rritjen e bashkpunimit në mes të Qeverisë-Akademisë-Industrisë për zhvillimin e inovacionit dhe aplikimin e R&D në Kosovë.

Në workshopin e parë u bisedua më shumë për angazhimin e hulumtuesve dhe akademisë për hulumtim dhe zhvillim, si dhe bashkëpunimin midis akademisë dhe industrisë private. Në workshopin e dytë donatorët patën rastin të tregojnë për veprimet e tyre në përmirësimin e edukimit, zhvillimin e hulumtimeve, ndihmën që japin për kompanitë lokale etj. Punëtoria e fundit ishte një grup i fokusuar i bizneseve Kosovare të interesuara në aplikimin e Triple Helix në Kosovë, ku qasja e qeverisë dhe akademisë ndaj nevojave të biznesit do të ishte më e lehtë. Pjesë e kësaj punëtorie ishin Sharrcem, Mamidoil, Procredit Bank etj., ndërsa AdaptivIT ishte kompania e vetme e cila e përfaqesoi sektorin e TIK-ut.

Të ngjashme

27.06.2014

STIKK merr pjesë në vizitë studimore në Hungari

Këtë javë ( 23-28 Qershor), STIKK merr pjesë në vizitë studimore në Hungari, në kuadër të projektit PROCON, i cili ka për qëllim mbrojtjen e fëmijeve nga rreziqet e internetit. Vizita u organizua nga KEC ( Kosovo Education Center), ndërsa pjesëmarrës ishin përfaqësuesit e Ministrisë së Arsimit, Shkencës dhe Teknologjisë; ARKEP-it, ISP-ve ( IPKO, PTK dhe Kujtesa), si dhe KYC ( Kosovo Youth Center). Në kuadër të vizitës, u realizua edhe takimi me Ambasadorin e Kosovës në Hungari, Z. Sami Ukelli

Të ngjashme

26.06.2014

Punëtoria per zhvillimin e strategjisë për eksport të TI’se për Evropën Juglindore

Sot STIKK merr pjesë ne punëtorinë për zhvillimin e strategjisë për eksport të TI’së të Evropës Juglindore e cila po mbahet në Budvë. Zhvillimi i kësaj strategjisë organizohet dhe përkrahet nga projekti ORF – GIZ

Të ngjashme

09.06.2014

Përfundoi trajnimi në Databaze

STIKK Training Academy duke filluar prej datës 26 deri 30 Maj, 2014 organizoi trajnimin 5 ditorë në Databaze. Ky trajnim ishtë dedikuar të gjithë studentëve të TIK dhe anëtarëve të STIKK-ut.

Në këtë trajnim studentët kanë pasur rastin të:

Mësojnë si te instalojnë dhe konfigurojnë te dhënat, si ti administrojnë te dhënat, si e ruajnë dhe te sigurojnë te dhënat dhe si eksportojnë apo importojnë te dhënat brenda kompanisë.

Në fund të trajnimit pjesëmarrësit kanë praktikuar të gjitha metodat e mësuara në praktike që të shohin se si realisht funksionojnë te gjitha konceptet e shpjeguara.

Për këtë trajnim, të gjithë pjesëmarrësit ditën e fundit pranuan një certifikatë të pjesëmarrjes.

Të ngjashme

08.06.2014

Trajnimi Menaxhimi i Shitjes

Një tjetër trajnim i mbajtur në kuadër te STIKK Training Academy ishte Menaxhimi i Shitjes i cili u mbajt nga data 2- 6 Qershor, 2-14 me ligjërues Diedon Kica. Pjesëmarrësit kryesisht ishin nga kompanitë anëtare te STIKK si dhe studente te Marketingut.

Ne këtë trajnim more pjese 10 pjesëmarrës prej te cilëve 4 ishin femra dhe 6 meshkuj.

Gjate trajnimit pjesëmarrësit mësuan:

– Shitjen dhe rolin e saj ne Biznes,
– Shitjen ne Industrinë e TIK,
– Menaxhimin e Produkteve dhe Operimin e Shitjeve, si dhe
– Shitjen, Menaxhimin dhe Lidershipin.

Ne fund te trajnimit pjesëmarrësit morën certifikatat e tyre te pjesëmarrjes dhe ishin shume entuziast te shihnin se si do ti praktikonin te gjitha gjerat e mësuara ne punën dhe jetën e tyre te përditshme.

Të ngjashme