STIKK fton kompanitë që të ofertojnë shërbimet e dizajnimit dhe akitektures.
Per me shume klikoni linkun me poshte:
STIKK fton kompanitë audituese që të ofertojnë për të kryer shërbimet e auditimit sipas IFRS dhe rregullave të ATK-së për vitet financiare prej 01.01.2025 deri me 31.12.2027.
Per me shume klikoni linkun me poshte:
Aleanca e Tech Parqeve dhe Inkubatorëve të Kosovës (ATIK) ka dorëzuar një dokument gjithëpërfshirës me propozime për zhvillimin e sektorit të Teknologjisë së Informacionit dhe Komunikimit (TIK), Ndërmarrësisë dhe Inovacionit, tek të gjitha partitë politike të Republikës së Kosovës që garojnë në zgjedhjet parlamentare në shkurt të vitit 2025.
ATIK thekson se ky hap strategjik synon të angazhojë politikëbërësit që sektori i TIK-ut të përfshihet si prioritet kyç në programet e tyre zgjedhore dhe qeverisëse.
Dokumenti i dorëzuar përmban rekomandime në katër fusha thelbësore:
Reforma Ligjore: Përmirësimi i legjislacionit ekzistues dhe hartimi i ligjeve të reja për të mbështetur inovacionin.
Mbështetje Qeveritare: Themelimi i një Ministrie të Teknologjisë dhe krijimi i rolit të CTO-së brenda qeverisë.
Mbështetje Financiare: Krijimi i një Fondi të Pavarur Zhvillimor për ndërmarrjet ICT dhe financimi i Tech Parqeve dhe Inkubatorëve.
Edukimi dhe Zhvillimi i Fuqisë Punëtore: Avancimi i programeve të edukimit në Inteligjencën Artificiale (IA) dhe implementimi i programeve DUAL VET për të lidhur tregun e punës me arsimin.
Anëtarët e ATIK: TechPark Prishtina, Innovation and Training Park (ITP) Prizren, VentureUP – University of Prishtina Venture Incubator, Innovation Centre Kosovo (ICK), Innovation Center Jakova (JIC), Kosovo Innovation Hub, Makerspace Innovation Center Prizren, Parku Teknologjik Kamenicë, Graçanica Innovation Center.
ATIK, që përfaqëson këto nëntë qendra të rëndësishme të inovacionit dhe teknologjisë në Kosovë, shpreh gatishmërinë për bashkëpunim të ngushtë me politikëbërësit për të sjellë ndryshime pozitive në këtë sektor.
Dokumenti i plotë me propozimet për zhvillimin e sektorit të Teknologjisë së Informacionit dhe Komunikimit (TIK), Ndërmarrësisë dhe Inovacionit mund te gjendet në linkun në vijim:
STIKK pati kenaqesine te mireprese Ambasadorin e Bashkimit Europian ne Kosove, z. Aivo Orav, e Tech Park Prishtina. Gjatë kësaj vizite, ambasadori pati mundësinë të mësojë më shumë për punën dhe sukseset e startup-eve pjesëmarrëse në projektin StarUp, financuar nga Bashkimi Evropian në Kosovë dhe implementuar nga STIKK
Startup-et i prezantuan idetë e tyre ambasadorit dhe treguan se si mbështetja e BE-së ka ndikuar në zhvillimin e ideve të tyre dhe ka forcuar pozicionin e tyre në treg.
Në një takim me përfaqësuesit e STIKK-ut, ambasadorja u njoh edhe me rolin dhe aktivitetet tona në avancimin e sektorit të Teknologjisë së Informacionit dhe Komunikimit (TIK) në Kosovë, si dhe me potencialin e jashtëzakonshëm të kompanive tona në këtë fushë.
Bashkëpunimi me Bashkimin Evropian është thelbësor për mbështetjen e nismave që fuqizojnë sektorin privat dhe nxisin zhvillimin ekonomik në vendin tonë. Falenderojmë ambasadorin Orav dhe BE-në për angazhimin e tyre si partnerë strategjikë në mbështetjen e sektorëve kyç të ekonomisë së Kosovës.
Prishtinë, 13 Tetor 2024 – Edicioni i 13-të i KosICT Technology Festival ka përfunduar, duke shënuar një tjetër moment të rëndësishëm për industrinë e teknologjisë në Kosovë. I mbajtur në Tech Park Prishtina më 11-12 Tetor, ngjarja e këtij viti tejkaloi pritjet, duke sjellë së bashku ekspertë globalë, liderë të industrisë, startup-e dhe entuziastë të teknologjisë për dy ditë të plota me ndarje njohurish, rrjetëzim dhe inovacion. Me mbi 3000 pjesëmarrës, 104 kompani të përfaqësuara, dhe folës nga 15 vende të ndryshme, KosICT 2024 u pozicionua si ngjarja kryesore teknologjike në rajon.
Festivali i këtij viti përfshiu 30 folës të shquar në të dyja skenat, Main dhe Developers, duke ofruar njohuri mbi trendet dhe sfidat më të fundit teknologjike. Me 9 keynotes, 1 panel diskutimi, 6 fireside chats, dhe 1 prezantim në Main Stage, si dhe 3 prezantime, 1 panel diskutimi dhe 4 punëtori në Developers Stage, ngjarja ofroi përmbajtje të larmishme për interesa dhe sektorë të ndryshëm.
Ndër momentet kryesore ishte keynote i mbajtur nga Dex Hunter-Torricke, kreu i Komunikimeve Globale dhe Marketingut në Google DeepMind, i cili ndau njohuritë e tij mbi navigimin në dekadën e revolucionit teknologjik, dhe fireside chat me Oskari Pétas, bashkëthemelues i Wolt, duke treguar udhëtimin e kompanisë nga një startup deri në shitjen për 7 miliardë euro tek DoorDash. Kryetari i Prishtinës, Përparim Rama, gjithashtu ngjiti skenën kryesore në një sesion të veçantë me titull “Transformimi i Prishtinës: Nga e Ndërlikuar në Komplekse”, i moderuar nga Sabine Singer, pionierja botërore në Value-Based Engineering.
Innovation Fair ofroi një platformë për 11 startup-e premtuese që prezantuan zgjidhjet e tyre të reja para investitorëve, entuziastëve të teknologjisë dhe klientëve potencialë. Mbështetur nga projekti i Startup-eve i financuar nga Bashkimi Evropian dhe i implementuar nga STIKK, panairi tregoi sesi këto kompani të fazës së hershme po sjellin inovacione që po tronditin industritë. Midis startup-eve ishin The Lobby Boy, TERMINI, LABVR, dhe SPARE, secila duke sjellë perspektiva të reja dhe zgjidhje inovative.
Në anën tjetër të sallës, Trailblazers Fair përfshiu 11 kompani të njohura, përfshirë ProCredit Bank, IPKO, Ericsson, dhe Nettxio, të cilat prezantuan produktet dhe shërbimet e tyre inovative. Panairi ofroi pjesëmarrësve mundësinë për të parë nga afër teknologjitë që po transformojnë industritë në Kosovë dhe më gjerë.
Një nga elementët më frymëzues të KosICT 2024 ishte Future Developers Corner, ku 30 të rinj të talentuar, të moshës 8-16 vjeç, demonstruan aftësitë e tyre në kodim dhe teknologji. Përfaqësues nga shkolla të tilla si Finnish School, J-Coders, dhe Algorithmics, këta të rinj prezantuan projekte që përfshinin lojëra, aplikacione web dhe zgjidhje në robotikë dhe hardware, duke magjepsur audiencën me krijimtarinë dhe pasionin e tyre.
Festivali gjithashtu shërbeu si një qendër e fuqishme për rrjetëzimin me B2B Brokerage Event. Mbi 150 takime B2B u zhvilluan gjatë dy ditëve, duke ofruar mundësi unike për kompanitë për të krijuar lidhje të rëndësishme dhe për të eksploruar partneritete të mundshme. Dita e parë përfshiu një B2B ndërkombëtar të organizuar në kuadër të Enterprise Europe Network (EEN), ku 30 kompani lokale dhe të huaja morën pjesë. Në ditën e dytë, një B2B me temë “Gratë në Biznes” u organizua nga STIKK në bashkëpunim me DigiWomen Cluster Kosovo dhe USAID Kosovo Compete Activity.
eSports Showdown u rikthye në KosICT me dy turne emocionuese. Turneu i parë ishte një garë bamirësie në Counter-Strike mes kompanive, ku Starlabs triumfoi ndaj Telos Labs në finalen e mbajtur në ditën e dytë. Turneu i dytë, një garë profesionale në Dota 2, përfshiu 8 ekipe konkurruese, me ekipin BLINK që doli fitues.
Një ditë para fillimit zyrtar të festivalit, KosICT organizoi një mbrëmje ekskluzive për folësit, anëtarët e STIKK dhe të ftuarit e veçantë. Bashkë-organizuar nga Advantage Austria në Hotel Prishtina, kjo mbrëmje shërbeu si një mundësi për pjesëmarrësit që të njiheshin dhe të ndërtonin lidhje përpara takimeve në KosICT.
KosICT 2024 gjithashtu shërbeu si ngjarja zyrtare e hapjes për OctoberTech Kosova, një nismë e re e mbështetur nga Zyra e Kryeministrit të Kosovës. Kjo nismë bashkon ngjarjet më të rëndësishme të teknologjisë digjitale në Kosovë, përfshirë DOKU.TECH dhe GrowthTank, duke krijuar një platformë dinamike për bashkëpunim, ndarje njohurish dhe inovacion.
Me përfundimin e edicionit të 13-të të KosICT, suksesi i këtij viti thekson rëndësinë në rritje të industrisë së teknologjisë në Kosovë dhe rajon. Me folës të nivelit botëror, diskutime të rëndësishme dhe inovacione të jashtëzakonshme, KosICT vazhdon të shërbejë si një platformë ku teknologjia takohet me biznesin dhe idetë me mundësitë. Ne presim me padurim çfarë do të sjellë edicioni i ardhshëm, ndërsa KosICT vazhdon të vendosë standarde të reja për festivalet teknologjike në Ballkan dhe më gjerë.
Për më shumë informacione, vizitoni Faqen e Internetit të KosICT ose na ndiqni në platformat tona të mediave sociale.
Prishtinë, 11-12 Tetor 2024 – Edicioni shumë i pritur i 13-të i KosICT Technology Festival do të mbahet në Tech Park Prishtina. Ngjarja e këtij viti premton të jetë më e madhe dhe më me ndikim se kurrë, duke përfshirë diskutime novatore, folës të nivelit të lartë dhe kompani që shfaqin më të mirat e teknologjisë globale.
Me një agjendë të ngjeshur që përfshin 17 sesione në Main Stage dhe 8 sesione në Developers Stage, festivali do të presë 30 folës, nga të cilët 23 ndërkombëtarë, përfaqësues të disa prej kompanive dhe qendrave më të njohura të inovacionit në botë. Midis folësve janë përfaqësues nga Google DeepMind, Camunda, Emerging Europe, dhe Wolt, të cilët do të sjellin njohuri mbi trendet më të fundit në Inteligjencën Artificiale, automatizimin e proceseve, lidershipin sipërmarrës dhe transformimin digjital.
Ngjarjet shtesë të KosICT 2024:
Një Perspektivë Globale mbi Teknologjinë dhe Inovacionin
KosICT 2024 është gati të vendosë standarde të reja në botën e konferencave të teknologjisë në rajon, duke përfshirë keynote futuriste, fireside chat dhe panele diskutimi. Kryeministri, Albin Kurti do të çelë siparin e KosICT në Main Stage, duke mbajtur fjalën hapse. Midis sesioneve më të rëndësishme është keynote i mbajtur nga Dex Hunter-Torricke, kreu i marketingut në Google Deep Mind, i cili do të ndajë njohuritë e tij mbi navigimin në dekadën e revolucionit teknologjik. Përveç kësaj, Fireside Chat me Oskari Pétas, Bashkëthemelues i Wolt, do të shpalosë udhëtimin e kompanisë nga një startup deri në shitjen për 7 miliardë euro.
Kryetari i Prishtinës, Përparim Rama, do të ngjitet gjithashtu në Main Stage në një sesion të veçantë me titullin “Transformimi i Prishtinës: Nga e Ndërlikuar në Komplekse”, moderuar nga pionierja botërore në Value-Based Engineering, Sabine Singer.
OctoberTech Kosova – Një Nismë e Re
KosICT 2024 do të shërbejë si ngjarja zyrtare e hapjes për OctoberTech Kosova, një nismë e re që konsolidon ngjarjet më të rëndësishme të teknologjisë digjitale në Kosovë, duke përfshirë KosICT, DOKU.TECH, dhe GrowthTank. E mbështetur nga Zyra e Kryeministrit të Kosovës, kjo nismë synon të sigurojë një platformë dinamike për bashkëpunim, ndarje njohurish dhe inovacion në teknologjinë digjitale.
Një Platformë Globale për Investitorët dhe Startup-et
Festivali i këtij viti pritet të ketë pjesëmarrjen më të madhe ndonjëherë të investitorëve të huaj dhe kapitalistëve të sipërmarrjes, me pjesëmarrës nga Finlanda, SHBA, Zvicra, Austria, Gjermania, dhe më gjerë. Sesioni Investors Pitch, që do të mbahet më 11 Tetor në ora 15:00, do t’u ofrojë startup-eve mundësinë unike për të prezantuar idetë e tyre inovative para investitorëve globalë.
Rreth KosICT 2024
KosICT Technology Festival është ngjarja kryesore e teknologjisë në Kosovë, duke mbledhur së bashku ekspertë, sipërmarrës, investitorë dhe politikëbërës për të eksploruar të ardhmen e teknologjisë dhe ndikimin e saj në biznes, shoqëri dhe ekonominë globale. Ngjarja organizohet nga STIKK, dhe sponsori i përgjithshëm është ProCredit Bank Kosova.
Për më shumë informacione rreth ngjarjes, vizitoni Faqen e Internetit të KosICT ose na ndiqni në platformat tona të mediave sociale.
Ecommerce4all.eu is a unified point from which e-sellers can obtain all the necessary relevant information related to e-commerce in all 7 CEFTA markets (N. Macedonia, Serbia, Albania, Bosnia and Herzegovina, Montenegro, Kosovo, and Moldova). The platform comprises 6 modules customized for each CEFTA market and translated into local and English languages.
Visit the platform: ecommerce4all.eu
Gjatë Javës vjetore të Vajzave në TIK, të mbajtur nga 22 deri më 27 prill 2024, DigiWomen Cluster Kosova organizoi një seri ngjarjesh nën STIKK për të promovuar karrierat e TIK për vajzat.
Anëtaret e DigiWomen Cluster vizituan 12 shkolla të mesme në Mitrovicë, Pejë, Gjakovë, Prizren, Ferizaj, Drenas, Podujevë, Gjilan dhe Prishtinë, duke arritur gjithsej 410 vajza. Këto sesione interaktive shfaqën përvojat reale të grave në fushën e TIK-ut, duke përfshirë sfidat, triumfet dhe mundësitë emocionuese në këtë sektor dinamik.
Kurioziteti i vajzave u ndez, duke çuar në diskutime tërheqëse për karrierat e mundshme në TIK, nga rolet teknike deri te sipërmarrjet. Këto aktivitete STIKK u mundësuan me mbështetjen e Projektit EnInGeP.
Tregu i Fuqizimit të Teknologjisë: Inovacioni Udhëheqës i Grave, i mbajtur më 25 Prill 2024, në Tech Park të Prishtinës, ishte një sukses. Ngjarja mblodhi së bashku 80 pjesëmarrës, duke përfshirë 45 gra ndërmarrëse, nga industritë e ndryshme të Kosovës.
Vjollca Cavolli (STIKK) dhe Alex Albertine (USAID Kosovë) hapën aktivitetin, duke theksuar rëndësinë e grave në teknologji. Një panel diskutimi paraqiti gra sipërmarrëse të suksesshme nga nëntë sektorë të ndryshëm. Vesa Morina, Doresa Kabashi, Vlora Gashi, Iliriana Ibraj dhe Diora Binxhiu ndanë përvojat e tyre në tejkalimin e sfidave. Një tryezë e rrumbullakët e udhëhequr nga Artan Avdiu (USAID) u fokusua në sfidat e dixhitalizimit me të cilat përballen bizneset në pronësi të grave.
Pika kryesore ishin takimet B2B. Këto sesione lidhën 15 biznese të TIK-ut të drejtuara nga gratë (DigiWoman Cluster) me klientë të mundshëm në sektorët e përpunimit të drurit dhe ushqimit. Mbi 40 takime lehtësuan shkëmbimin e ideve dhe bashkëpunimet e mundshme.
Ngjarja tërhoqi më shumë pjesëmarrës sesa pritej. Tregu ofroi një platformë për gratë në TIK për të shfaqur zgjidhjet e tyre për klientët e rinj në sektorë të ndryshëm.
Tregu Tech Empowerment nxiti bashkëpunimin dhe fuqizimin ekonomik për gratë sipërmarrëse. Ai ngriti ndërgjegjësimin për rolin e rëndësishëm që luajnë gratë në nxitjen e inovacionit. Kjo ngjarje ishte një hap i rëndësishëm drejt një të ardhmeje ku gratë janë lidere në avancimet teknologjike të Kosovës.
DigiWomen Cluster Kosova mbetet e përkushtuar për fuqizimin e grave në teknologji, thyerjen e barrierave dhe nxitjen e një të ardhmeje gjithëpërfshirëse në industrinë e TIK-ut. Së bashku, ne mund të krijojmë ndryshime të qëndrueshme dhe të formojmë një të nesërme më të ndritshme.
STIKK organizoi me sukses një punëtori mbi Gatishmërinë për Investime më 17 Prill në Prishtina Tech Park. Sesioni, i udhëhequr nga eksperti ndërkombëtar Z. Keo Sar, ofroi informacione dhe këshilla praktike për startup-et që kërkojnë investime.
Në punëtori morën pjesë anëtarë të stafit nga kompanitë anëtare të STIKK dhe startup-et. Kjo qasje e synuar siguronte që përmbajtja adresonte drejtpërdrejt nevojat dhe sfidat me të cilat përballeshin anëtarët tanë.
Të pranishmit fituan një kuptim më të thellë të rëndësisë së investimit dhe kohës optimale për ta kërkuar atë. Z. Sar pajisi pjesëmarrësit me njohuritë për të identifikuar opsionet më të përshtatshme të investimit për startup-et e tyre specifike. Seminari dha njohuri të vlefshme për gjetjen e investitorëve dhe përgatitjen për takime të suksesshme me investitorët.
Z. Keo Sar, me përvojën e tij të gjerë (mbi 12 vjet) në sektorët Fintech, Marketplace dhe Shërbimet, solli në tryezë një pasuri njohurish. Historia e tij e dëshmuar e ndërtimit dhe shkallëzimit të kompanive nëpër industri të ndryshme si COO, CRO, Drejtor Ekzekutiv dhe VP ofroi njohuri të paçmueshme për sipërmarrësit aspirues.
Në përgjithësi, Workshop-i i Gatishmërisë për Investime shërbeu si një platformë e vlefshme për kompanitë anëtare të STIKK dhe startup-et për të fituar njohuritë dhe mjetet e nevojshme për të lundruar në peizazhin e investimeve dhe për të siguruar financim për sipërmarrjet e tyre.
Shoqata për Teknologji të Informacionit dhe Komunikimit të Kosovës (STIKK) mbajti Mbledhjen e 16-të të Kuvendit të Anëtarëve, për të diskutuar punën e shoqatës në vitin 2023 dhe për të përshkruar planet për rritje të mëtejshme në vitin 2024.
Takimi u fokusua në zhvillimet në sektorin e TIK-ut në Kosovë gjatë vitit 2023, duke theksuar përpjekjet e STIKK-ut në avokimin legjislativ dhe funksionalizimin e Tech Park Prishtina, një iniciativë kyçe me potencial të jashtëzakonshëm për nxitjen e rritjes së sektorit.
Arritjet kryesore:
Anëtarët miratuan planin e punës për vitin 2024, i cili ka prioritet:
Për arritjen më efektive të këtyre synimeve, Kuvendi i STIKK-ut miratoi rinovimin e paketave të anëtarësimit, duke prezantuar shërbime të reja inovative. Këto shërbime synojnë të forcojnë rolin e STIKK në mbështetjen e ekosistemit TIK.
Ndryshime në Bordin e STIKK
Pas zgjedhjeve të mbajtura gjatë asamblesë, Bordi i STIKK-ut mirëpret anëtarët e rinj:
Z. Kristian Kabashi (Numarics)
Znj. Bardha Ajvazi (Brandfluence)
Përbërja e përditësuar e bordit është si më poshtë:
Kryetar: Z. Ermal Sadiku (Linkplus IT)
Nënkryetare: Znj. Zana Tabaku (Appdec)
Z. Vigan Budima (ASEE nga Asseco)
Z. Fatos Gacaferri (Nettxio)
Z. Faton Selishta (Kutia)
Z. Alban Sahiti (Tenton)
Z. Benjamin Kolenovic (Growzillas)
Z. Kristian Kabashi (Numarika) z.
Znj. Bardha Ajvazi (Brandfluence)
