STIKK lanson iniciativën ‘Bridge’, urë lidhëse midis kompanive të TIK dhe insitucioneve arsimore
Kompanitë anetare të STIKK dhe institucionet arsimore partnere u dakorduan për një bashkëpunim më të ngushtë përmes iniciativës ‘Bridge’.
‘Bridge’ është një iniciativë e STIKK për të nxitur bashkëpunimin midis institucioneve të arsimit të lartë ose profesional, me kompani anëtare të STIKK me qëllim shkëmbimin e informatave mbi kërkesat e tregut të punës.
Iniciativa ‘Bridge’ zhvillohet në formën e një ‘workshop’-i 1 deri në 2 ditë në të cilin përfaqësues të kompanive tregojnë për një teknologji/produkt të caktuar ose gjendjen e tregut të TIK nga e cila mund të përfitojnë studentët.
Për implementimin e kësaj iniciative STIKK organizoi Martech #5 me të ftuar përfaqësues te kompanive të STIKK dhe institucioneve arsmimore partnere.
Kompanitë anëtare të STIKK treguan për ekspertizën e tyre, kërkesat e tregut dhe mënyrat si planifikojnë të bashkëpunojnë me universitetet dhe qendrat e trajnimeve profesionale.
Përfaqësuesit e botës akademike shpalosën programet e tyre dhe treguan gatishmëri për t’u bërë pjesë e iniciativës ‘Bridge’.
Në fund, të pranishmit u dakorduan për disa pika:
– Organizimi i vizitave të përfaqësuesve/studentëve të universiteteve tek kompanitë anëtare të STIKK.
– Mundësi për studentët për punë praktike gjatë verës tek kompanitë e STIKK.
– Mbajtja e ligjeratave dhe workshop-eve nga kompanitë e STIKK në insitucionet e arsimit të lartë dhe profesional.
– Bashkëpunimi mes kompanive të STIKK dhe universiteteve për R&D.
– Mundësi për studentët që të zhvillojne temën e diplomës në kompani të STIKK.
‘Bridge’ krijon një hapsirë të shëndetshme për të shkëmbyer mendimet sipas tre perspektivave të ndryshme, gjë e cila do të çojë në identifikimin e talenteve, rritje të angazhimit dhe konkurrencës si edhe zvogëlim të hendekut midis shkathtësive të kërkuara nga tregu i TIK dhe ofertës së institucioneve të arsimit të lartë ose profesional. Ky fakt ka rëndësi të veçantë pasi adreson sado pak një nga sfidat kryesore me të cilat përballet sektori i TIK në Kosovë, mungesën e fuqisë punëtore të kualifikuar.
Ditët e Vajzave në TIK – Aktivitete në Prishtinë nga DigiWomen Cluster
Me rastin e Ditës Ndërkombëtare të Vajzave në TIK, Komuna e Prishtinës, në partneritet me 16 organizata që kontribuojnë në promovimin dhe fuqizimin e vajzave dhe grave në TIK, organizuan fushatën #VAJZATNETIK22. Ky event u zhvillua në datat 26-28 Prill, duke e kthyer “Ditën Ndërkombëtare të Vajzave në TIK” në “Ditët e vajzave në TIK”. Kjo nismë do të vazhdojë të organizohet çdo vit, me më shumë aktivitete dhe organizata partnere.
DigiWomen Cluster Kosovo, i cili operon nën ombrellën e STIKK, është një nga partnerët kryesorë të kësaj fushate. Gjatë gjithë kohëzgjatjes së fushatës, DigiWomen Cluster mbajti diskutime, trajnime dhe sesione informuese me vajza nga shkollat fillore dhe të mesme në Prishtinë.
Duke synuar krijimin e një mjedisi më të favorshëm për zhvillimin e TIK-ut me përfshirjen e grave, DigiWomen Cluster Kosova (DWCK) përcaktoi shtrirjen e problemit të angazhimit të vajzave në sektorin e TIK, propozoi zgjidhje, i komunikoi dhe i promovoi ato duke krijuar mundësi për rrjetëzim, motivim dhe reduktim të hendekut gjinor. Në këtë linjë u zhvilluan aktivitetet e mëposhtme.
Anëtaret e DigiWomen Cluster Kosovo morën pjesë në hapjen e fushatës me një panel diskutimi “E kaluara, e tashmja dhe e ardhmja e teknologjisë”. Drejtoresha Ekzekutive e STIKK, Vjollca Çavolli, bëri një panoramë të zhvillimit të sektorit të TIK përgjatë 30 viteve të fundit, ku nënvizoi se pavarësisht pengesave numri i grave sipermarrëse në ketë sektor është rritur duke zhvilluar gjithashtu cilësinë e produkteve dhe bizneseve.
Sipërmarrësja dhe bashkëthemeluesja e Starlabs dhe Shkollës Digjitale, Hana Qerimi tregoi për eksperiencën e saj si grua në sektorin e TIK dhe gjithashtu për potencialin që ofron sektori për të rinjtë dhe të rejat në Kosovë.
Ceremonisë hapëse të aktiviteteve iu bashkuan edhe kryetari i Komunës së Prishtinës, Përparim Rama dhe nënkryetarja Donjeta Sahatçiu, e cila në të njejtë kohë është anëtare e DigiWomen Cluster.
Nënkryetarja e Komunës së Prishtinës, znj. Donjeta Sahatçiu, në fjalimin hapës të fushatës Ditët e Vajzave në TIK 2022Znj. Vjollca Çavolli, znj. Teuta Sahatqija, znj. Hana Qerimi dhe znj. Jora Zeneli në panelin “E kaluara, e tashmja dhe e ardhmja e teknologjisë”
Gjatë tri ditëve të fushatës, DigiWomen Cluster mbajti dy sesione “Më pyesni çdo gjë” dhe tre sesione me temë “TIK si zgjedhje karriere” me vajza nga shkollat fillore dhe të mesme në Prishtinë.
Sesioni “Më pyesni për çdo gjë” me znj. Zana Tabaku, znj. Zana Budima dhe znj. Hana Qerimi në Gjimnazin Sami Frashëri në PrishtinëSesioni “TIK si zgjedhje e karrierës” me znj. Iliriana Ibraj në shkollën fillore “Hasan Prishtina” në PrishtinëSesioni “TIK si zgjedhje e karrierës” me znj. Diora Binxhiu në shkollën fillore “Xhemail Mustafa” në PrishtinëSesioni “TIK si zgjedhje e karrierës” me znj. Rrita Rugova në shkollën fillore “Gjergj Fishta” në Prishtinë
Anëtaret e DigiWomen Cluster mbajtën gjithashtu një sesion të përbashkët me temë “Pse TIK”, ku shpjeguan pse zgjodhën TIK-un si profesion edhe pse fillimet e tyre në disa raste nisën në fusha të ndryshme.
Anëtaret e DigiWomen Cluster gjatë sesionit “Pse TIK” në Innovation Center Kosovo
Në kuadër të aktiviteteve u mbajt gjithashtu edhe trajnimi “Soft Skills” me mentoren Shenaj Shala.
STIKK zgjedh Bordin e ri Drejtues, miratojnë 4 objektivat kryesore
Shoqata për Teknologji të Informacionit dhe të Komunikimit të Kosovës (STIKK), të martën organizoi mbledhjen e katërmbëdhjetë (XIV) të Kuvendit ku u prezantuan para anëtarëve rezultatet dhe të arriturat e STIKK-ut gjatë viti 2021, si dhe u diskutuan aktivitetet e planifikuara për vitin 2022. Planet dhe aktivitetet e diskutuara me të pranishimit në Kuvend janë të konceptuara në mënyrë që të vazhdojnë angazhimin dhe përforcojnë misionin e STIKK-ut që ka të bëjë me përmirësimin e ambientit të të bërit biznes për sektorin tonë dhe të ngrejë nivelin e konkurueshmërisë së kompanive vendore në tregjet ndërkombëtare.
Pjesëmarrja e mbi 40 kompanive në mbledhjen e Kuvendit ishte dëshmi e rritjes dhe fuqizimit të sektorit të TIK gjatë dy dekadave të fundit por edhe e rritjes së kërkesave të cilat theksojnë rolin qëndror të sektorit të TIK në zhvillimin ekonomik të vendit tonë.
Kryetarja në largim e Bordit të STIKK, znj. Donjeta Sahatçiu, bëri hapjen e këtij takimi duke nënvizuar rëndësinë e shoqatës, punët e kryera si edhe sfidat e mëdha që ende duhen përballuar. Një vend të veçantë në fjalimin e saj ajo i kushtoi planit të ri të punës i cili “me një qasje të re” kërkon ngritjen në një nivel tjetër të fuqisë dhe imazhit të kompanive anëtare të STIKK dhe sektorit në tërësi.
Pas fjalimit të Znj. Sahatçiu, Drejtoresha Ekzekutive e STIKK, znj. Vjollca Çavolli prezantoi një përmbledhje të aktiviteteve dhe të arriturave brenda vitit 2021, si dhe shpalosi disa nga planet për vitin 2022. Anëtari i Bordit të STIKK, Z. Valon Canhasi prezantoi planin e punës, objektivat dhe buxhetin e shoqatës për vitin 2022.
Plani i miratuar nga Kuvendi ka në fokus 4 objektiva: 1 – Ngritjen e kapaciteteve njerëzore për nevojat e kompanive anëtare dhe zhvillimit të tregut të STIKK, 2 – Përmirësimin e infrastukturës ligjore dhe qasjes në financa për komanitë e sektorit TIK, 3 – Zgjerimin e mundesive për shitje në tregun lokal dhe ndërkombëtar, 4 – Përmirësimin e identitetit të industrisë dhe potencialit vendor në tregun ndërkombëtar.
Pika e fundit e rendit të ditës së Kuvendit të XII-të të anëtarëve të shoqatës kishte të bënte me përzgjedhjen e anëtarëve të ri të Bordit të STIKK, ku pas procesit të votimit, konstituua bordi i ri:
Kryetar – z. Valon Canhasi (Hallakate)
Nën-kryetare – znj. Hana Qerimi (Starlabs)
Anëtarë – z. Astrit Desku (Komtel), znj. Zana Budima (SQA Consulting SEE), z. Arbër Bakija (Bbros), z. Muharrem Shefkiu (Polymath Labs), z. Iliriana Ibraj (LinkPlus IT), z. Ylli Zagragja (UCX Kosovo), dhe z. Armend Malazogu (Cacttus).
Ditët e mbajtjes së KosICT, festivalit të teknologjisë i organizuar nga STIKK (Shoqata e Teknologjisë së Informacionit dhe Komunikimit të Kosovës, janë të numëruara. Edicioni i 8-të i KosICT-së do të mbahet më 24 dhe 25 Tetor në zemër të Prishtinës ku skena kryesore do të vendoset në KINO ARMATA ndërsa skena dytësore teknike, panairi i start-upeve, aktivitetet e fëmijëve dhe gara finale e eSports do të vendoset në amfiteatrin e sheshit “Zahir Pajaziti”.
Kësaj radhe, tema kryesore e KosICT-së do të fokusohet në “OUTSOURCING” dhe ndikimi i tij në zhvillimin e ekonomisë lokale, si dhe në ndryshimet në strukturat e kompanive për tu adaptuar me trendet dhe nevojat globale në mënyrë që ta ngrisin nivelin e konkurueshmërinë dhe kualitetin e shërbimeve të ofruara. Përgjatë dy ditëve te konferencës, folësit e shumtë, ekspertët e fushave të caktuara, do të ndajnë, motivojnë, përditësojnë dhe inspirojnë audiencën me trendet e reja ne industrinë e TIK, teknologjitë e reja, aplikimin e metodave dhe proceseve bashkëkohore në udhëheqjen e kompanive dhe shumë tema të tjera. Në mesin e folësve që do të na nderojnë me prezencë ne skenën e KOSICT këtë vit janë Iva Matasich, që në prezantimin e saj si folëse kryesore do të flas mbi zhvillimin e biznesit; Kerry Pearce, Chief Product Officer dhe Senior Vice President of Engineering në UberMedia me një përvojë të gjatë ne udhëheqje, organizim dhe motivim te ekipeve; Markus Neubauer, themelues dhe CEO i Silbury Deutschland dhe ekspert në Digital Transformation, Internet of Things, Gamification.
Gjatë 7 edicioneve te kaluara të konferencës,më shumë se 5000 pjesëmarrës të sektorit të TIK patën rastin te dëgjojnë dhe mësojnë gjëra të reja nga ekspertët e fushave aktuale si: Digital Transformation, the future of Nearshoring/Outsourcing, Entrepreneurship, IoT; Crowd Funding, Open Innovation etj.
Ju mirëpresim në ngjarjen më të madhe të teknologjisë në Kosovë, KosICT8!
Takim B2B me kompani Metal Përpunuese dhe Energji të Ripërtëritshme
STIKK dhe Kllasteri i Industrisë së Metalit dhe Energjisë së Ripërtëritshme të Kosovës (KIMERK) ju ftojnë të gjithë anëtarëve të marrin pjesë në një takim B2B me kompani metal përpunuese dhe energjisë së ripërtëritshme të cilat kërkojnë partner për shërbime të TIK-ut. Takimi do të mbahet të Premten (16 nëntor) nga ora 10:00, në objektin e ICK-së.
Ky aktivitet organizohet në kuadër të Javës Globale të Ndërmarrësisë (GEW), e cila mbahet me 12-18 nëntor 2018.
– Regjistrimin mund ta bëni në këtë formë.
– Ngjarjen në facebook mund ta gjeni këtu.
Ky aktivitet është mundësuar me përkrahjen e Zyrës së German Cooperation, të implementuar nga GIZ, përmes projektit Creating Employment through Export Promotion (CETEP).
Vetëm për Anëtarë të STIKK: Mbledhje të Kuvendit të STIKK – 24 Mars, 2016
Shoqata për Teknologji të Informacionit dhe të Komunikimit të Kosovës (STIKK), ju fton në mbledhjen e 8-të të Kuvendit të STIKK, e cila do të mbahet me 24 Mars, 2016 me fillim nga ora 09:00 (draft agjenda është e bashkëngjitur), Hotel Sirius, Prishtinë.
Nëse nuk mund të jeni prezent, ju lutemi delegoni një person të autorizuar i cili do të përfaqësoj kompaninë tuaj në këtë kuvend.
* Ju njoftojmë që në bazë të STATUTIT të STIKK, vetëm Anëtarët e Plotë që kanë anëtarësi aktive kanë të drejtë vote. Megjithatë, kjo nuk e kufizon pjesëmarrjen e të gjithë të tjerëve në Mbledhjen Vjetore të Kuvendit të STIKK.
Rendi i Ditës – Kuvendi 2016: https://stikk.org/fileadmin/user_upload/Rendi_i_Dites_Kuvendi_2016.pdf
Lansimi i projektit të STIKK Education – 15/12/2015 @ ICK
STIKK ka kënaqësinë të ju ftojë të merrni pjesë në ngjarjen për Lansim të Projektit STIKK Education, e cila do të mbahet neser, me 15 Dhjetor, 2015, në ora 10:00, në Qendrën e Inovacionit të Kosovës (ICK).
Ky projekt përkrahet nga GIZ, Ambasada Norvegjeze dhe USAID. Jemi mirënjohës që prezent do të kemi Ambasadorin Norvegjez z. Jan Braathu, Ambasadorin Amerikan z. Greg Delawie, Ministrin për Punë dhe Mirëqenie z. Arban Abrashi dhe shumë tjerë. Agjendën me detaje shtesë mund ta gjeni në dokumentin më poshtë me emrin Lansimi i Projektit – Agjenda.
Cka është STIKK Education?
STIKK Education është disejnuar për të adresuar në mënyrë specifike barrierat lidhur me zhvillimin e shkathtësive dhe trajnimit. STIKK Education përfshin të gjitha trajnimet e organizuara deri me tani prej STIKK, duke sjellë programe dhe iniciativa të reja. Vizioni i kësaj iniciative është të ngrisë kapacitetet lokale në sektorin e TIK përmes trajnimeve kompetente profesionale, të disejnuara enkas për të përmbushur nevojat e industrisë vendore, duke qenë në hap me trendet teknologjike ndërkombëtare.
STIKK Education do të ketë dy cikle trajnimi dhe aktivitete tjera shtesë të parapara në planin e mëposhtëm për një periudhë 12 mujore gjatë vitit 2016. Përmes trajnimeve, entuziastet e rinj do të fitojnë shkathtësi specifike që aktualisht janë shumë të kërkuara në tregun e Bashkësisë Evropiane duke zotëruar kurrikulën plotësisht, e cila është në përputhshmëri me Kornizën Evropiane për e-Kompetenca 3.0, që është një iniciativë e palëve të shumta të interesit nga sektori i TIK të Evropës në mënyrë që të identifikohen dhe standardizohen aftësitë të cilat momentalisht janë të nevojshme për tregun dhe e cila është bërë prioritet për implementim nga kompanitë lokale të TIK.
Gjithashtu, këta 90 të rinj entuziast në TI do të përfundojnë programin e garantuar të praktikës në kompani anëtare të STIKK përmes shërbimit të STIKK për ofrimin e praktikës, gjë që do të ndihmonte në praktikimin e aftësive të sapo fituara nga trajnimet, si dhe do ta rrisë punësueshmërinë e tyre.
Ju mirëpresim!
Lansimi i Projektit – Agjenda: https://stikk.org/fileadmin/user_upload/STIKK_Education_Launch_Event_09_12_2015_SQ_vFinal.pdf
KosICT 2015 është një ngjarje 2 ditore e cila mbahet me 29-30 Tetor, si dhe po vjen me katër tema të reja, të cilat janë Virtual Reality, Industry 4.0, Internet of Things dhe Mobile Development.
– Fjalit hyrese
Mr. Shkumbin Brestovci – President of the STIKK Board
Mr. Blerand Stavileci – Minister, Ministry of Economic Development
Ms. Hykmete Bajrami – Minister, Ministry of Trade and Industry
Ms. Christina Gehlsen – Deputy Ambassador at the Embassy of Germany to the Republic of Kosovo
Ms. Kathrina Ramberg – Deputy Head of Mission/First Secretary at the Royal Norwegian Embassy of Norway to the Republic of Kosovo
– Internet of Things
Blaž Umek – IPKO Telecommunications
Kiril Izov – Lead of SMS&P organization at Microsoft for Bulgaria, Macedonia, and Kosovo
Stoyan Boev – Managing Director at ICB
Falk Schubert – Vice President Sales EMEA at PAY.ON
– Industry 4.0
Rolf Glunz – Sales Director at Imbus AG
Mentor Sahiti – CEO at Adaptivit
Peter König – SAP Coordinator and Lecturer at UBT College
Villu Arak – Co-founder at Funderbeam
– Mobile Development
Christian Kulas – Managing Business Analyst at Capgemini
Matthias Hamburg – Managing Consultant at Sogeti Deutschland
Ermal Sadiku – CEO at LinkPlus
– Virtual Reality
Florian Stadlbauer – Executive Director at Deck13 Interactive
Endri Tolka – COO/CFO at YouVisit
– Dev sessions
Blerim Rexha Professor at University of Prishtina, and
Valon Xhafa, Ilir Osmanaj and Hekuran Kastrati, Computer Engineering Students
Ardian Haxha and Egzon Mjeku, Adaptivit
Milot Shala and Bardh Shasivari
Valmir Hoxha, UBT College
Faik Ispahiu, Kallxo.com
Lorik Mullaademi, menaxher i projekteve në STIKK, do të jetë folës në BarCamp Ferizaj #20, ku ai do të flas mbi projektet e STIKK-ut dhe punën e tij në këtë shoqatë.
