22.09.2015

Pakoja e re fiskale e bën sektorin e TIK konkurrent në rajon

Pas avokimit dhe lobimit të suksesshëm dyvjeçar të STIKK dhe pas përkushtimit të Qeverisë që ta trajtojë TIK si sektor prioritar, Administrata Tatimore e Kosovës nxjerr Udhëzimin Administrativ në të cilin pajisjet e TIK do të kenë normën e reduktuar te TVSH prej 8%.

Sipas ligjit nr. 05/l-037 për Tatimin mbi Vlerën e Shtuar, Neni 26, pika2, pajisjet e teknologjisë së informacionit hyjnë në mesin e produkteve esenciale të cilave iu zbritet TVSH-ja, ligj ky i cili hyn në fuqi sot me 1 Shtator, 2015. Për më tepër, këto të njëjtat pajisje lirohen nga TVSH në import.

Ligjin nr. 05/l -037 për Tatimin mbi Vlerën e Shtuar mund ta gjeni këtu: http://www.stikk-ks.org/fileadmin/PDF/LIGJI_NR._05_L-037__PER_TATIMIN_MBI_VLEREN_E_SHTUAR_SHTOJCA.pdf

Udhëzimin Administrativ me listën e plote të pajisjeve të TIK me norme të reduktuar mund ta gjeni këtu: http://www.atk-ks.org/wp-content/uploads/2015/09/1642-MF_KM-U.A-Nr.03-2015-per-zbatimine-Ligjit-Nr.05-L-037-per-tatimin-mbi-vleren-e-shtuar.pdf

• 
• 
• 
• 

19.08.2015

STIKK dhe Empower Sektori Privat i USAID nënshkruan Marrëveshje për Grant për Mbështetje të STIKK Education

Prishtinë – Sot, Shoqata e Teknologjisë së Informacionit dhe Komunikimit e Kosovës (STIKK) dhe EMPOWER Sektori Privat i USAID-it nënshkruan një marrëveshje për grant që do të mbështesë një program për trajnim dhe punë praktike në TIK për të rinjtë.

“Në vitin 2014, STIKK publikoi një raport mbi Analizën e Mangësive të Shkathtësive në Sektorin e TIK-ut, që ka theksuar se ekziston kërkesë e fuqishme në tregun vendor dhe të eksportit për ofrues të shërbimeve të TIK-ut,” thotë Vjollca Çavolli, Drejtoreshë Ekzekutive e STIKK-ut. “Megjithatë, është njëst pengesë e madhe në realizimin e kësaj mundësie: mungesa e profesionistëve të arsimuar në Kosovë në një gamë profilesh të TIK-ut, siç janë programimi i softuerëve dhe kodimi, madje edhe marketingu apo administrimi i biznesit të TIK-ut. Kjo i vë ofruesit e shërbimeve të Kosovës në disavantazh, sidomos në marrjen e punëve që jepen jashtë vendit nga blerësit e BE-së.”

Ky program për trajnim dhe punë praktike që do të lansohet nga STIKK-u si pjesë e STIKK Education të kësaj shoqate përbëhet nga dy cikle 6-mujore trajnimi që do të zhvillohen gjatë viteve 2015-2016. Programi përmban programimin e softuerëve dhe aplikacioneve mobile në përputhje me Kornizën Evropiane për e-Kompetenca 3.0, që siguron standardet ndërkombëtare dhe certifikimin për profilet e përcaktuara të shkathtësive të TIK-ut.

Programi i synon të rinjtë e papunësuar që janë të interesuar të ndjekin karriera në fushën e TIK-ut. Kështu, pjesëmarrësit e trajnimit do të lidhen me kompani në Kosovë që do të ofrojnë mundësi për punë praktike dhe më pas vendosje në vende pune për ta.

Ky aktivitet bashkë-financohet nga EMPOWER Sektori Privat i USAID-it, Ambasada e Norvegjisë dhe GIZ. Pritet që si rezultat i trajnimit do të krijohen 70 vende të reja pune dhe programi do të përkrahë STIKK Education që të arrijë qëndrueshmëri.

• 
• 
• 
• 

14.07.2015

IT Barometer Kosovë – 2015

Duke krijuar traditë që nga viti i kaluar, edhe këtë vit është përgatitur Barometri i Industrisë së Teknologjisë së Informacionit (ITIB) për Kosovën.

40 kompani kosovare kanë plotësuar pyetësorin i cili përmbante 36 pyetje të ndara në gjashtë seksione:

– Informata të përgjithshme;
– Informata rreth eksportit;
– Statistika;
– Burime Njerëzore;
– Parashikime;
– Çështjet aktuale dhe Vërejtje, Komente.

STIKK së bashku me 5 shoqata të TIK të rajonit (AITA, BIT Alliance, MASIT, IT Cluster, ICT Network) përgatiti këtë hulumtim të titulluar “South-East Europe IT Barometer”, i cili përkrahet nga GIZ. Qëllimi i këtij hulumtimi është të mbledh informata relevante për industrinë rajonale të software-it/TI-së në mënyrë që të përgatitet një plan për eksport si dhe masat përkrahëse për të promovuar eksportin si rajon.

Pjesëmarrësit e pyetësorit ndihmuan në krijim e profilit të TI-së në Kosovë, ofruan informata rreth tregut vendor si dhe tregut rajonal dhe fuqizimin e bashkëpunimit rajonal.

• 
• 
• 
• 

25.06.2015

Dita Mbarëkombëtare e TIK 2015

Me 25 Qershor në Durrës është mbajtur takimi i komunitetit të TIK të trojeve shqiptare: “Dita Mbarëkombëtare e Teknologjisë së Informacionit dhe Komunikimit”. Kjo ngjarje ishte hera e 7-të me radhë e organizimit të këtij aktiviteti, i cili solli bashkë kompanitë e TIK nga Kosova dhe Shqipëria. Mbi 30 përfaqësues të sektorit të TIK u mblodhën në këtë takim me qëllim të identifikimit të mënyrave të ndryshme bashkëpunimit, njohjes, forcimit dhe krijimit e një rrjeti profesional mbarëkombëtar në fushën e TIK.

Takimi u hap nga Drejtori Ekzekutiv i AITA, z. Dritan Mezini, i cili u dëshiroi mirëseardhje të pranishmëve. Më pas pjesëmarrësve iu drejtua Drejtoresha Ekzekutive e STIKK, znj. Vjollca Çavolli, e cila sqaroi se si u thellua bashkëpunimi gjatë këtyre 7-të viteve të vazhdimit të kësaj tradite.

Pjesëmarrësit gjithashtu patën kënaqësinë të dëgjojnë prezantimin e draftit të IT Barometrit të Kosovës për vitin 2015 nga z. Bardh Kadiu, Koordinator i Programeve në STIKK. Pas prezantimit, pjesëmarrësit patën mundësinë të kontribojnë në diskutim të hapur lidhur me vështirësitë të cilat hasen në aspektin e bashkëpunimit në mes të dy vendeve. Kompanitë vazhduan të shkëmbenin përvojat dhe njohuritë e tyre edhe gjatë koktejit të paraparë për rrjetëzim.

Kompanitë prezent në këtë takim vlerësuan lartë nevojën për vazhdimin e bashkëpunimit për tejkalimin e barrierave të identifikuara dhe krijimin e një ambient më të favorshëm për bërjen e biznesit.

• 
• 
• 
• 

17.06.2015

Konferenca “Prishtina – Shansi që nuk po Shfrytëzohet”

Qendra e Inovacionet e Kosovës pati kënaqësinë të jetë vendi ku është zhvilluar konferenca e cila trajtoi gjendjen aktuale socio-ekonomike në Komunën e Prishtinës, si edhe pasojat. Në saje të kësaj, Prishtina REA si nikoqire përgatiti prezantim të Platformës për Zhvillim Ekonomik të Prishtinës, duke ofruar zgjidhje dhe modele për një Prishtinë të përparuar, të zhvilluar, që ofron mundësi për investime, për punë, shkollim, avansim profesional, jetë të qetë dhe për një qytet metropolitan.

Në konferencë si panelist dhe pjesëmarrës ishin z. Dardan Sejdiu, nënkryetar i Komunës së Prishtinë, znj. Besa Zogaj, Zëvendësministre e Ministrisë së Zhvillimit Ekonomik, z. Ferat Shala, Zëvendësministër i Ambientit dhe Planifikimit Hapësinor, z. Skënder Krasniqi, Nënkryetar i Aleancës Kosovare të Biznesit dhe znj. Vjollca Çavolli, Drejtoreshë Ekzekutive e Shoqatës së TIK të Kosovës-STIKK. Gjithashtu ishin prezent edhe përfaqësues të bizneseve dhe shoqatave të ndryshme, bankave, shoqërisë civile dhe mediave.

“Kosova për herë të parë do ta ketë Strategjinë Kombëtare për Zhvillim, që është inicuar nga Qeveria, e cila do të përmbajë prioritete strategjike kombëtare, që do të shërbejnë si orientim me rastin e zhvillimit të masave dhe veprimeve zbatuese nga institucionet e vendit në drejtim të zhvillimit”, tha znj. Besa Zogaj nga MZHE-ja.

Këtu mund të lexoni më shumë rreth Strategjisë Kombëtare për Zhvillim: http://mzhe.rks-gov.net/?page=1,42,1030

• 
• 
• 
• 

11.06.2015

TIK Ngjarje në Tiranë me 11 Korrik

Në emër të partnereve tanë, TURN8, dëshirojmë të ju ftojmë në ngjarjen e veçantë për ndërmarrësit dhe inovator start-up. Bashkangjituni në Innov-a-thon, ngjarje një-ditore ku prezantohen start-up inovative dhe cilësore dhe teknologji të cilat kërkojnë financim, përkrahje dhe pjesëmarrje në seed accelerator të re të TURN8.

Në Innov-a-thon ju keni mundësi të:

Prezantoni idenë tuaj në kuadër të njërës nga temat të TURN8Takoni dhe krijoni kontakte me persona kreativKrijoni ekip dhe punoni së bashku për të përpunuar idenëPrezantoni idenë e përpunuar dhe të kualifikoheni në TURN8 seed accelerator në Dubai

DATA: 11 Korrik, 2015
KOHA: 10.30AM – 6.00PM
VENDI I NGJARJËS: Universiteti Epoka, Autostrada Tirane-Rinas, km. 12, 1000, Shqipëri

Temat: Çfarë lloj idesh?

– Aplikacione për ueb ose mobil
– Portale e-commerce
– Avancim i përmbajtjes Arabike
– Zgjerim i e-learning dhe arsimit
– Teknologji për jetës të qëndrueshme
– Shërbime “Crowdsourced”
– Inovacion në rrjetëzim shoqëror
– Teknologji shëndetësor

Më shumë rreth TURN8.
Regjistrohu për Innov-a-thon këtu!
Për pyetje ose regjistrim përmes telefonit, thirrni në +9714-319-7645.
Emaili i ekipit të TURN8 Innov-a-thon.
Nuk mund të merrni pjesë në Innov-a-thon? Prezantoni idenë online!

• 
• 
• 
• 

03.06.2015

Seminari “Inxhinieria Softuerike Ndërkombëtare: Një Studim nga Përvoja e Honeywell”

Me 3 Qershor, USAID, në bashkëpunim me FIEK (Universiteti i Prishtinës) dhe STIKK, organizoi seminarin me temën e Inxhinierisë Softuerike në përmasa Ndërkombëtare.

Përvojat e tyre i ndan Prof. Ronald Birks, nga Honeywell dhe Prof. Shahin Berisha, Inxhinier i Softuerit në Arizona State University. Globalizimi shtyu Honeywell nga SHBA-të të “outsource” në Indi, Kinë, Rusi dhe Meksikë. Prof. Birks pas punës së tij një vjeçare në Rusi, më shumë se katër viteve në Indi dhe më shumë se pesë në Francë, sqaron se si funksionon struktura e kompanive të cilat kanë seli të shumta në shtete të ndryshme të botës. Kompania fillon punën në projekt në SHBA, pasdite zhvillon konceptin në Republikën Çeke, zhvillimi vazhdohet në Indi dhe testimi bëhet në SHBA. Efikasiteti është marrë nga përvoja të viteve të gjata të punës dhe bashkëpunimit, veçanërisht me Universitetet për përshtatjen e kurrikules me kërkesat e tregut të punës.

Përveç mundësive të cilat i ofron Inxhinieria Softuerike në nivel Ndërkombëtar, aty ekzistojnë edhe shumë sfida. Disa të cilat vlen të cekën janë dallimi i gjuhëve, dallimi i zonës kohore, takime shumë të rralla fytyrë-me-fytyrë dhe koordinim i vështirë i proceseve. Duke u fokusuar në Kosovë, Prof. Birks vlerësoi nivelin e lartë të njohurisë së gjuhës Angleze dhe Gjermane, të pozitës gjeografike dhe moshës së re të punëmarrësve potencial të sektorit të TIK.

• 
• 
• 
• 

30.05.2015

Promovimi i punësimit të të rinjve përmes Partneriteteve dhe Bashkëpunimit Social

Me daten 30 Maj në Mitrovicë, nën organizimin e PIPS u zhvillua seminari në lidhje me projektin “Promovimi i punësimit të të rinjve përmes partneriteteve dhe Bashkëpunimit Social.”

Ky projekt ka për qëllim lehtësimin e bashkëpunimit ndërmjet njësive të vetëqeverisjes lokale, komunitetit të biznesit, ofruesit e arsimit dhe organizatave të shoqërisë civile nga 6 qytetet / komunat në zgjidhjen e çështjes së papunësisë së të rinjve përmes shkëmbimit të ideve të reja dhe praktikatve më të mira, si dhe të angazhohen në dialogun social mes rrjeteve në nivelin e komuniteteve lokale. Bashkitë dhe qytete pjesëmarrëse në projekt ishin: Nish, Leskovc, Vranje, Mitrovicë, Pejë dhe Prizren.

Në këtë seminar u mbajtën prezantime të iniciativave lokale, bashkëpunimit, dhe shembuj të mire te praktikës, ku pjesëmarrës ishte dhe STIKK. Zt. Lorik Mullaademi, Menaxher i Projekteve në STIKK diskutoi rreth suksesit të praktikave, arritjeve si dhe incitiativat e shoqatës. Për më shumë, gjeni linkun e prezantimit.

• 
• 
• 
• 

29.05.2015

Misioni i ekspertëve “TAIEX” për Statistikat e Shoqërisë së Informacionit

Më 26 Maj, nën patronatin e Ministrisë së Zhvillimit Ekonomik dhe me ndihmen e eksperteve të TAIEX-it u organizua një punëtori tre-ditore mbi temën Statistikave të Shoqërisë së Informacionit.

Qëllimi i këtij misioni të ekspertëve ishte mbështetja e institucioneve në krijimin e një sistemi statistikor në përputhje me standardet evropiane dhe EUROSTAT për të prodhuar statistika të sakta mbi teknologjinë e informacionit.

Dita e parë permbledhi tema rreth Legjislacionit të BE-së në lidhje me statistikat e Shoqërisë së Informacionit, dita e dytë rreth Statistikave të TIK për ndërmarrje dhe dita e tretë rreth Statistikave të TIK për ekonomi familjare.

Me këtë rast u formua grupi i punës me përbërje: STIKK, MZHE, MAP, Agjencioni Statistikor i Kosovës dhe ARKEP, të cilët do të jenë përgjegjës për konceptimin e pyetësorit në të ardhmen.

• 
• 
• 
• 

28.05.2015

Konferenca “Ekosistemi i Ndërmarrësisë, Inovacioni dhe Investitoret Engjuj në Kosovë”

Nga 26 deri me 30 Maj, një delegacion nga International Angel Investors vizitoi Tiranën, Prishtinën dhe Shkupin, në mënyrë që të vëzhgoi për së afërmi ambientin e ndërmarrësisë në regjion dhe mundësitë për investime.

Konferenca në Prishtinë do të mbahet me 28 Maj, 2015 në ora 11:00, në Qendrën Inovacionit të Kosovës (ICK), nën organizimin e Kosovo Business Angels Network në Kosovë (KOSBAN), Crimson Capital dhe ICK.

Pjesëmarrës në konferencë ishin edhe Ambasadori i Norvegjisë në Kosovë, z. Jan Braathu, Ambasadorja e Turqisë në Kosovë, znj. Songul Ozan, Ministrja e Tregtisë dhe Industrisë, Dr. Hykmete Bajrami, Zëvendës-kryetari i European Trade Association for Business Angels (EBAN), z. Baybars Altuntas, Drejtori i KIESA, z. Besian Mustafa, etj. Gjithashtu, Kryetari i Bordit të STIKK, z. Shkumbin Brestovci, dha një prezantim me temën “Inovacioni në TIK në Kosovë”.

Facebook ngjarjen dhe agjenda: https://www.facebook.com/events/850179735058525/

• 
• 
• 
•