STIKK e përkushtuar në zhvillimin profesional të studenteve të TIK
Me qëllim te avancimit te shkathtësive për tregun e punës dhe zhvillimit profesional te studenteve me datën 23 dhe 24 dhjetor STIKK së bashku me ICK organizoi trajnimet : Aftësitë dhe Teknikat e Shitjes si dhe Marketingu për Internet. Trajnerët Vjosa Mullatahiri – Haxhidauti- Aftësitë dhe Teknikat e Shitjes si dhe Besart Bajrami- Marketing në Internet i pajisen studentet me njohuri dhe shkathtësi te cilat do te jene te dobishme për ta ne karrierën e tyre te ardhshme.Trajnimet u vijuan nga 26 studente të TIK, te cilët u certifikuan për trajnimet e vijuara.
Trajnimi ISO 27001 Lead Implementer
Nga data 16 Dhjetor u mbajt trajnimi 5 ditor në ISO 27001 Lead Implementer e cila iu dedikua profesionisteve te sigurisë se informacionit. Në trajnim morën pjesë 12 pjesëmarrës, 10 prej të cilëve ishin meshkuj dhe 2 femra. Objektivat kryesore te trajnimit ishin:
– Kuptimi i zbatimit te Sistemit te Menaxhimit te Sigurisë se Informacionit ne përputhje me ISO 27001.
– Kuptimi i plotë i koncepteve, qasjeve, standardeve, metodave dhe teknikave te nevojshme për menaxhimin efektiv të Sistemit te Menaxhimit të Sigurisë se Informacionit.
– Kuptimi i marrëdhënieve në mes komponentëve të një Sistemi te Menaxhimit te Sigurimit te Informacionit, duke përfshirë menaxhimin e rrezikut, kontrollit dhe pajtueshmërisë me kërkesat e palëve të ndryshme të organizatës.
Ligjërues i trajnimit ishte z. Lekë Zogaj nga PECB/ Canada. Ky trajnim u organizua në kuadër të Akademisë së Trajnimeve të STIKK.
