STIKK lanson iniciativën ‘Bridge’, urë lidhëse midis kompanive të TIK dhe insitucioneve arsimore

Kompanitë anetare të STIKK dhe institucionet arsimore partnere u dakorduan për një bashkëpunim më të ngushtë përmes iniciativës ‘Bridge’.

‘Bridge’ është një iniciativë e STIKK për të nxitur bashkëpunimin midis institucioneve të arsimit të lartë ose profesional, me kompani anëtare të STIKK me qëllim shkëmbimin e informatave mbi kërkesat e tregut të punës.

Iniciativa ‘Bridge’ zhvillohet në formën e një ‘workshop’-i 1 deri në 2 ditë në të cilin përfaqësues të kompanive tregojnë për një teknologji/produkt të caktuar ose gjendjen e tregut të TIK nga e cila mund të përfitojnë studentët.

Për implementimin e kësaj iniciative STIKK organizoi Martech #5 me të ftuar përfaqësues te kompanive të STIKK dhe institucioneve arsmimore partnere.

Kompanitë anëtare të STIKK treguan për ekspertizën e tyre, kërkesat e tregut dhe mënyrat si planifikojnë të bashkëpunojnë me universitetet dhe qendrat e trajnimeve profesionale.

Përfaqësuesit e botës akademike shpalosën programet e tyre dhe treguan gatishmëri për t’u bërë pjesë e iniciativës ‘Bridge’.

Në fund, të pranishmit u dakorduan për disa pika:

– Organizimi i vizitave të përfaqësuesve/studentëve të universiteteve tek kompanitë anëtare të STIKK.

– Mundësi për studentët për punë praktike gjatë verës tek kompanitë e STIKK.

– Mbajtja e ligjeratave dhe workshop-eve nga kompanitë e STIKK në insitucionet e arsimit të lartë dhe profesional.

– Bashkëpunimi mes kompanive të STIKK dhe universiteteve për R&D.

– Mundësi për studentët që të zhvillojne temën e diplomës në kompani të STIKK.

‘Bridge’ krijon një hapsirë të shëndetshme për të shkëmbyer mendimet sipas tre perspektivave të ndryshme, gjë e cila do të çojë në identifikimin e talenteve, rritje të angazhimit dhe konkurrencës si edhe zvogëlim të hendekut midis shkathtësive të kërkuara nga tregu i TIK dhe ofertës së institucioneve të arsimit të lartë ose profesional. Ky fakt ka rëndësi të veçantë pasi adreson sado pak një nga sfidat kryesore me të cilat përballet sektori i TIK në Kosovë, mungesën e fuqisë punëtore të kualifikuar.

Të ngjashme

31 01 2025

TOR – Design of the Canteen at TechPark Prishtina

20 01 2025

FTESË PËR OFERTIM: AUDITIMI I PASQYRAVE FINANCIARE PËR VITET 2025-2027

13.09.2022

PLATFORMA E PARË RAJONALE E E-COMMERCE

Të gjitha rregulloret ligjore për krijimin dhe drejtimin e një biznesi e-commerce në CEFTA janë të disponueshme në një vend.

13.09.2022: Një nga avantazhet e drejtimit të një biznesi e-commerce, si dega e ekonomisë me rritjen më të shpejtë, është mundësia reale dhe e qëndrueshme për të zgjeruar tregun përtej kufijve fizikë dhe për të shfrytëzuar potencialin e rajonit. Duke patur parasysh se rajoni përbëhet nga rreth 20 milionë banorë, për drejtuesit e e-commerce-ve në Kosovë kjo do të nënkuptonte një rritje të dhjetëfishuar të blerësve potencialë.

Mundësitë për një zgjerim të tillë rajonal dhe themelimin e një biznesi e-commerce në tregjet e CEFTA-s janë në fokus të modulit të lançuar të platformës rajonale Ecommerce4All.eu – “Rregullore në e-commerce”, ku rregulloret ligjore, ligjet dhe manualet që janë specifike janë të disponueshme në një vend për secilin nga 7 tregjet e CEFTA-s dhe të cilat tregojnë se si të ngrihet dhe drejtohet një biznes e-commerce (në një mënyrë të lehtë për t’u kuptuar) në secilin prej tregjeve.

Manualet, që janë bërë për secilin treg të CEFTA-s veç e veç, janë pika kryesore e këtij moduli, veçanërisht për faktin se ato përmbajnë të gjithë informacionin e rëndësishëm se si të filloni dhe drejtoni një biznes e-commerce, cilat janë informacionet e nevojshme që çdo shitës duhet të dijë dhe cilat janë të drejtat për të mbrojtur konsumatorët online në secilin prej këtyre tregjeve.

Për shembull, nëse një biznes dëshiron të zgjerojë tregun e tij në Shqiperi, ai lehtë do të jetë në gjendje të kontrollojë se cilat janë rregullat aktuale në lidhje me mbrojtjen e të drejtave të blerësve, nëse ata mund ta kthejnë produktin, për sa kohë, kush të përballojnë shpenzimet etj. E njejta gjë nëse duhet të kontrollojnë se cilat janë dokumentet e nevojshme për regjistrimin e biznesit të tyre në Mal të Zi e kështu me radhë.

Përveç këtij moduli, platforma gjatë periudhës së ardhshme do të përmirësohet edhe me disa module të tjera: modulin “historitë e suksesit në e-commerce”, ku do të prezantohen histori suksesi nga secili treg i CEFTA-s dhe me dy module të tjera që do të mbulojnë aspektet kryesore të të bërit biznes në tregtinë elektronike – pagesa online dhe shpërndarja e produkteve. Secili prej këtyre moduleve do të përmbajë informacion përkatës specifik për tregun e veçantë të CEFTA-s, si dhe udhëzues, manuale, dokumente të lidhura me lëndën dhe prezantime video.

Zhvillimi i platformës “Ecommerce4All” mbështetet nga projekti i Fondit të Hapur Rajonal për Tregtinë e Jashtme të zbatuar nga Deutsche Gesellschaft für Internationale Zusammenarbeit (GIZ) mbështetur nga Bashkimi Evropian dhe Ministria Federale Gjermane për Bashkëpunim Ekonomik dhe Zhvillim (BMZ). Qëllimi kryesor është përmirësimi i bashkëpunimit ndërkombëtar që promovon zhvillimin ekonomik rajonal dhe lokal dhe mbështet zbatimin autonom të politikave të harmonizuara me BE-në, që synojnë arritjen e zhvillimit të balancuar rajonal të shtetit.

Mësoni më shumë rreth tregtisë elektronike në rajon në: ecommerce4all.eu.

INFORMACION PËR REDAKTORËT

Ueb-platforma rajonale është duke u zhvilluar nga Asociacioni Maqedonas për E-Commerce si zbatuesi kryesor në bashkëpunim me shoqatat e e-commerce dhe organizatat nga industritë përkatëse nga rajoni i CEFTA-s.

Zhvillimi i platformës “Ecommerce4All” mbështetet nga projekti i Fondit të Hapur Rajonal për Tregtinë e Jashtme të zbatuar nga Deutsche Gesellschaft für Internationale Zusammenarbeit (GIZ) mbështetur nga Bashkimi Evropian dhe Ministria Federale Gjermane për Bashkëpunim Ekonomik dhe Zhvillim (BMZ). Qëllimi është përmirësimi i bashkëpunimit ndërkombëtar që promovon zhvillimin ekonomik rajonal dhe lokal dhe mbështet zbatimin autonom të politikave të harmonizuara me BE-në që synojnë balancimin e zhvillimit rajonal të vendit. Fondi synon të përmirësojë zbatimin e agjendës së reformave për tregtinë dhe konkurrencën në rajonin e CEFTA-s në përputhje me kërkesat e procesit të përafrimit me BE-në.